Erasmus - háskólastigið
Erasmus, háskólaáætlun Evrópusambandsins, er ætlað að stuðla að auknu samstarfi meðal háskóla í Evrópu. Áætlunin styrkir ýmis konar verkefni, svo sem stúdenta og kennaraskipti, námsferðir starfsfólks háskóla og fólks í atvinnulífinu, sameiginlegt námskeiðahald, og fleira. Þannig styður Erasmus Bologna ferlið, sem stefnir að samfelldu evrópsku háskólasamfélagi.
Veigamesti þáttur í Erasmus áætluninni er að stuðla að hreyfanleika fólks úr háskólasamfélaginu um Evrópu. Í boði eru margvíslegir styrkir til stúdenta, kennara og starfsfólks og stærri samstarfsverkefni háskóla.
Fréttir og tilkynningar
Í haust var tilkynnt að LHÍ, HA og Hólaskóli fengju viðurkenningu fyrir notkun á skírteinisviðaukum (diploma supplement „DS“) sem fylgja prófskírteinum. Í fyrra fengu HÍ, HR, Bifröst og LbHÍ þessa sömu viðurkenningu og hafa því allir íslenskir háskólar hlotið viðurkenningu. Ísland er eina landið þar sem allir háskólar hafa hlotið þessa vottun.
Landskrifstofa Erasmus á Íslandi og íslensku háskólarnir hafa af þessu tilefni ákveðið að efna til myndbandasamkeppni meðal fyrrverandi og núverandi Erasmus stúdenta. Fyrstu verðlaun eru 150.000 kr.
Háskóli Íslands tekur þátt í Erasmus Mundus verkefninu MULTIELE: „Multilingalism: Master’s degree in Learning and Teaching of Spanish in Multilingual and International Contexts“.
